حسن و شاب کے لئے نباتات کی اہمیت
حسن و شاب کی منزل کو حاصل کرنے کے لئے ہمیشہ
علاج بالغذاء کی مدد لیا کریں جس میں پھلوں اورسبزیوں کا استعمال سرِفہرست ہے۔ادویات
کا استعمال اکثر نقصان دہ ثابت ہوتا ہے۔آروید کے معروف شاستری شیرمانی کوکاکاشمیری
کا فرمان ہے کہ غیرمصفی نمکیات اوردھاتوں کے کشتہ جا ت نیز غیرمدبر معجون و ادویات
قابل ومستند حکماء کے بغیر استعمال کرنے سے انسان حسن وشباب قائم رکھنے کے بجائے مختلف
امراض میں مبتلا ہوجاتا ہے۔ہردورکے تمام حکماء اس بات پر متفق رہے ہیں کہ انسان کے
حسن وشباب کو قائم رکھنے کے لئے ادویات کی بجائے پھل، سبزیاں، میوہ جات، عرقیات وروغنیات
اور مشروبات کا استعمال ہی کرنا چاہیے۔
حسن وشباب کے قیام میں معدہ کی اہمیت
برِصغیر پاک و ہند کے مشہورِ عالم حکیم دیوان کا ہن چند حسن و شباب کے متعلق فرماتے ہیں۔
’’انسان کا حسن و جمال اسی صورت قائم رہ سکتا ہے جب وہ امراض معدہ کا شکار نہ ہو۔ امراض سرد خشک میں انسان قبض، ضعف جگر، ضعف معدہ، خون کی کمی اور اعضائے رئیسہ کی کمزوری کا شکار ہوجاتا ہے جس سے اس کا چہرہ بے رونق، سر کے بال روکھے اوربدن کمزور ہونے لگتا ہے۔اگر ان امراض کا مناسب اوربروقت تدارک نہ کیا جائے تو انسان بہت جلد اپنی صحت گنوا دیتا ہے‘‘۔
دیوان کا ہن چند ان امراض کے تدارک کے لئے موسمی پھلوں اور سبزیات کے استعمال پر زوردیتے ہیں۔ان کے استعمال سے معدہ جگرکی اصلاح ہو جاتی ہے اوربدن میں روغنیات اورہارمونز کا تناسب قائم رہتا ہے جس سے حسن و صحت قائم رکھنے میں مدد ملتی ہے۔
ایک تبصرہ شائع کریں